Tuesday, January 17, 2006

في رثـاء أمـير القلـوب


نسأل الله ان يرحم فقيدنا الغالي ويوسع قبره وان يجعل مثواه الاخير بردا وسلاما لهذا الوالد القائد فالرئيس يعوض برئيس اخر بدلا منه،والقائد يعوض بقائد اخر يخلف عنه ولكن الاب لايعوض ولا يخلف عنه ابدا بعده نحن يتامى فارحمة يالله واسكنه فسيح جناتك مع الصديقين والشهداء والصالحين وحسن اولئك رفيقا،وانا لله وانا اليه راجعون ولا يبقى لا وجهه ربك ذو الجلال والاكرام
كتبت هذه الأبيات لاوفي القليل من افضال هذا الاب القائد صاحب العطاء الكبير

ياللي برحيلك خذيت النور

ياللي برحيلك خذيت النور... وبرحيلك خذيت انوار كل المدينه

ياللي حكمك بالعدل والحرية مشهور... رسخت الديمقراطية بيدك الأمينه
ياللي خيرك عبر كل الأنهار والبحور... عملت بأصلك وبالاسلام ودينه
ياللي نهضت وبنيت بالديره مشكور... حافظ عليها حطها دوم بعينه
ياللي حافظت حتى على البيئه والطيور...محمية جابر وغيرها مانسينه
ياللي ناديت برابع السور...حبيت الكويت وعطيتها كل عمرك وسنينه
يوم الغزو وقفت وقفة كويتي فخور... تناشد العالم بكل اصرار وعزيمه
وبالتحرير رجعت للوطن مشتاق ومنصور... أثر شوقه أثر التراب على جبينه
رجعت تعيد وتعمر بكل قلب مسرور... موغريبه والابو يكافل لبناته وبنينه
وبنفسك طفيت اخر بير نفط محروق...ورفعت اقتصادنا لأعلى وتيره
هذا قليلك ياجابر وعائطك ماله حدود... ومثلك نادر بشبة الجزيره
واليوم كنه قصر دسمان مهجور...رحل جابر ابونا وبعده الكويت يتيمه
البحر والشوارع والأبراج تلبس السود... والأهالي بصليبيخات تنعي روحه الكريمه
والعلم بكل مكان اليوم منكوس...المجموع أربعين ليلة حزينه
سبعه وعشرين شتا مرو امرور...ماعرفنا البرد الا بهاليلة الفجيعه
يرحم الله فقيدنا أمير القلوب المغفور...له ويجعل الفردوس داره الأخيره
ياللي برحيلك خذيت النور ماننساك على مر العصور...ومايلومنا العالم اليوم لي بجينه

11 comments:

Shurouq said...

صح لسانك

وصج برحيلة خذا النور.. الديرة ظلمة بدونه

امرؤ القيس said...

صح لسانك
والله يستر على القادم من الايام

SaRa said...

ان الله وان الية رجعون


عظم الله اجركم

Drr_q8 said...

يا جابر الخير ..بعدك وش يعزينا


صح لسانك ،مافي الديهر من عقبه نور
:(

المحاميه said...

واليوم كنه قصر دسمان مهجور...رحل جابر ابونا وبعده الكويت يتيمه
البحر والشوارع والأبراج تلبس السود... والأهالي بصليبيخات تنعي روحه الكريمه
والعلم بكل مكان اليوم منكوس...المجموع أربعين ليلة حزينه
سبعه وعشرين شتا مرو امرور...ماعرفنا البرد الا بهاليلة الفجيعه
يرحم الله فقيدنا أمير القلوب المغفور...له ويجعل الفردوس داره الأخيره
ياللي برحيلك خذيت النور ماننساك على مر العصور...ومايلومنا العالم اليوم لي بجينه

y36ek el3afya hashmy 9j ednya 9art 7azena.

LaiaLy_q8 said...

ya36eek el 3afya 3ala el kalimaat el7ilwaa

Q8ya said...

يعطيك العافيه

الله يرحمه ....

ما في بعده مثيل

Qaneema & her husband said...

Allah yr7ima

Anonymous said...

Excellent, love it! latin music artists franklin brand ice machine parts

Anonymous said...

That's a great story. Waiting for more. custom+body+kit Handycam how to use instructions Elida web design

Anonymous said...

Enjoyed a lot! film editing schools