Saturday, January 07, 2006

أين تجمعنا الكويت؟

شلون نحصد واحنا مانزرع؟
شلون نوصل واحنا مانمشي؟
شلون نرتاح واحنا مانتعب؟
شلون نتطور واحنا مانطالع احد؟
شلون نرتقي واحنا مانتعلم من دروس الاولين اللي ماخلولنا شي؟
وشلون نحقق الوحدة الوطنية واحنا في تعصب الطائفية والقبلية؟
هل تتحقق الديمقراطية في زمان الجاهلية؟
أوليس التعصب من سمات الجاهلية الاولى؟
فعلى سبيل المثال لو تقدموا عشرة من اي قبيلة، وكان بينهم الرجل السياسي والاكاديمي المتغرب لعدة سنوات من اجل العلم وتحصيل الخبره من المجتمعات المتقدمه، وبسبب وغربته طوال السنين وكفاحه الذي يريد من ورائه ان يفيد كل انسان في وطنه، وليس ابناء القبيله فقط، ولكن بالاعراف المشهوره قبل رغما عنه للوصول عن طريف انتخابات اولية قبليه كانت ام فرعيه، وبحكم وجوده خارج الوطن بسبب طلب العلم الذي سيفيدها فيه لاحقا، فلايعرفه اصحاب الشأن والنفوذ في القبيله ويسقط بانتخاباتها وتسقط كل الاطروحات والطموحات اللتي كان بالامكان ان تفيدنا وتفيد قبيلته وهي جزء من البلد فلايمكنه الوصول بها الى البرلمان،ويمكن لاخر لايعرف سوى كتابة اسمه فقط لانه الاقوى نفوذا في القبيله من الوصول، ووصلوله هنا لايفيد البلد ولا قبيلته الا بالواسطات
واذا صحت العبارة التي نراها يوميا في تلفزيون الكويت
الكويت تجمعنا
فالسؤال هنا: أين تجمعنا الكويت؟
بالجنسية الكويتية؟
ببيوت الحكومة وقسايمها وقروضها؟
بالمدارس والمعاهد والجامعات ووزارات الدولة؟
أم بمستوصفاتها ومستشفياتها الصحية؟
ولا بالمرينا والفنار!؟

7 comments:

Anonymous said...

Bil QabaYeil Wil Ta3asoob il faashil ,, hatha exactlly what gets us all together, sadly

المحاميه said...

يعطيك العافيه هاشمي وكلامك مضبوط
ألحين بالكويت مطبقين مقولة ( البقاء للاقوى )
عن طريق القبلية العصبية, صح كلامك لما يرزون واحد بس يعرف يكتب اسمه وطالب العلم اللي تغرب وتعب دراسته اطير بالهوى لأن لقى الخذلان سواء من قبيلته او الحكومه نفسها راح تلاقيه انه يفضل يرد يتغرب ويطلع مواهبه وقدراته حق دول تعتبرنا متخلفه وشوف شلون تسانده هذي اقل ردت فعل..مع انه دولته احق فيه.
(وفيتامين واو) لاعب دوره في كل مكان مسبب عملية شلل حق الطموحين وماكو احد يقدر يوقفه لما هذا الفيتامين اللعين يتحرك
وصار(المعروف عرف كالمشروط شرط)يعني المجتمع كله تعود يقول اذا ما عندك فيتامين واو استريح في البيت وايد احسن من التبهدل والتعب اللي ماله فايده.

سامحوني ادري طولت بالرد وبعد مابردت جبدي ودي اتكلم بعد.



تحياتي لك

Hashemy said...

مشكورين على تعليقاتكم واتشرف فيها وايد وبالنسبة لكلامج محامية انا اوافقج عليه واخذي راحتج بالكلام وطولي كثر ماتبين

meWHO! said...

that exactly what you get when you a weak leadership, solve that and you will have a better country.

Mr Moody said...

خفوا من النكت عن العوازم وابشروا بخير.

Anonymous said...

الكويت تجمعنا بحبها لها
وحبنالترابها
وحبنا وهواها
بس مادري ليش بعض الناس حاقدين عليها
يمكن لانهم مو كويتيين
او يمكن كويتيين بس مو اصليين
وانتو تدرون شنو اقصد
يالحاقدين

Anonymous said...

Wonderful and informative web site. I used information from that site its great. »