صويلح على ثوارته نافعنا

قام احد النواب بعد مامر عليه في البرلمان 3 سنوات بدون انجاز يذكر بتقديم اقتراح زيادة الضريبة على السجائر 200% او اكثر يعني الباكيت اللي نشتريه مثلا بنص بصير دينار ونص وربما اكثراقتراح الأخ النائب والحمدلله مر على الحكومة مرور الكرام ولاقي صدى طيب واستحسان قوي من بعض النواب وبعض الجرائد اليومية مع حملة قوية ضد التدخين وزيادة الضريبة على السجائرالتدخين مضر وسبب رئيسي لأمراض القلب والرئة وتصلب الشرايين، السيجارة تحتوي على اكثر من 5000 مادة سامه وزياده، انزين هذي معلومات حفظناها احنا المدخنين واذا نسينا مو مشكلة ذكرونا لكن علاجها مو بزيادة الضريبة شحقة اللي شرا الباكيت بنص دينار ويبي الزقاره فيه اليوم مو عايزان يشتريه لو ب10 دنانير باجر وتكلم ايضا النائب عن أصغر مدخن بالعالم هو طفل كويتي، انزين هني يرجع دور الاسرة يالنائب "الزقرتي" ورقابتهم على اولادهم يعني الطفل هذا وين اهله اذا دورهم منعدم لي هالدرجه الرهيبه الولد مو بس يدخن الا بصير حرامي بعد واول شي ببوقه اهو الزقاير واهم الله بالخيراذا صج تبي تقلل من المدخنين لانهم يضرون بغيرهم من الغير المدخنين ليش ما تطالب بانشاء لجان مكافحة التدخين مثل مافيه بمنطقة الفيحا وتكون موجوده بجميع المحافظات والمناطق واللي يبي علاج فعلا يروحلهم،وتحديد اماكن وانشاء غرف للمدخين في الاماكن العامه مثل الأسواق والمجمعات مو تقطعها بالمره يا اخي تكلم باخي اذا اذدت ان تطاع فاطلب المستطاعوالعلاج من التدخين مو بزيادة سعرالزقاير ابد، علاجه من داخل الانسان نفسه بالارادة وغيرها ماكو علاج متى الواحد مااشتهي يقطع بيقطع مثل ماشتهى يدخن والديره بروحه شابه نار وسبة الاسعار! الكويتي فينا مايطلع حرته الا بسحك الزقاير هالمره حتى السحك بصير اغلا من باجي الاسعارمع العلم انا نائبنا هذا من منطقة نقول عنها بالكويت "زقرت" يعني راقيه وكشخه تلقى بناتها يدخنون اكثر من رياييلها! انا أقول سالفتك زينه،بس اذا تبي تمنع التدخين منعه اول في دوانيتك خل الناس وباجي الدواوين تقتدي فيك أول! ولا تخاف شباب المنطقة والناخبين منها تصفر؟ مشكلة الغرقان يتعلق بأي شي لو قشه، واخونا النائب بعد "رزة" المجلس 3 سنين قولبها حس انه ماسوى شي يذكر ،وشاف جماعته من الحين مزهبينه البديل، ما يدري ان منطقتة يحسبون فيها حساب الصغيره قبل الكبيره ونجاحه ماكان الا "جيسة نبض"بعرفون عدد قاعديتهم حق اللي يبونه المره اليايه وهم بيفتكون من واحد عَمر بالمجلس عااااااااد ذكروهااا الحيييييييييييين ترى طالبلكم الريال برفع الضريبة مع العلم ان ضريبة السجائر تم رفعها من عامين، بس يالله تستاهلون بتفتكون من شر السحيكه اللي مأذين خلق الله بكل مكان بفضل نائبكم الزقرتي