Thursday, April 16, 2009

افتح يا ترشيح ابوابك



تفتح ادارة الانتخابات في السابعة من صباح اليوم الخميس باب الترشح لمرشحي مجلس الامة للانتخابات الحالية بعد صدور مرسوم الدعوة للانتخابات ونشره أمس بالجريدة الرسمية الكويت اليوم

في انتظارك يا بوعبدالمحسن

في انتظار الرئيس السابق الاسبق الحالي والقادم الذي اخذ الضوء الاخضر حسب الظاهر للرئاسه من جديد وعلل سبب تأخر قرار الترشيح هو التأزيم بين السلطتين كأن التأزيم ظاهره جديده
وشرب قهوته

في انتظار من فازوا بالانتخابات الفرعيه المجرمه امام عيون الداخليه التي اكتفت بتسجيل ارقام لوحات سيارات المشاركين في التصويت وأخذ الصور

في انتظار من عزف عن الترشح وبعد الحاح الجماهير وقط العقل وبوووس الخشوم اعلن خوضه الانتخابات

في انتظار من تم اتهامه بحيازة سلاح وذخيرة بدون ترخيص وترك السلاح في ايدي الاولاد مما أدى إلى مقتل إنسان


في انتظار اصحاب العجائب الذين اشرنا عنهم في البوست السابق

افتح يا ترشيح ابوابك
وخلهم يهلون علينا

مزاج هالويك اند

37 comments:

Anonymous said...

هاشمي

لا تنسى "بعض" المرشحين اللي يبيعون خمر
ظاهرة يديدة هذه بالمجلس... بس مو سلبية :-P

nanonano said...

العم أحمد السعدون..سجل الساعه ٧٠٣٠

Hashemy said...

Dakhtar Blue

هلاا بالدكتوووووووور صباح الخير قبل كل شي

هاهاهاهاها اي تصدق نسيتهم بس هذيله لانهم مو سلبيه بسكت عنهم ;PPP

بعدين يا دكتور ماتدري يمكن عندهم فتوى تجيز بيعه خارج حدودنا حتي يذهب عقول اعدائنا الكافرون ;p

مرورك شرفني يا دكتور :)

Hashemy said...

nanonano

موفق العم بوعبدالعزيز وانشالله من الاوائل هالسنه

نانو شوفي السايت مال العم توه مسويله ابديت بعد

وشرفني مرورج في المدونه :)

Yang said...

مبروك علينا بو عبدالمحسن :)

esTeKaNa said...

صبحك الله بالخير
:)
افتح يا ترشيح ابوابك
وبرد يا الرحمن على قلوبنا
الله يوفق الكل

عاد تصدق هاشمي ،انا هاليومين استمتع بالجرايد،اطالع الصور واقرا الكلام
في ناس اقول ياربي اشلون قرر يرشح نفسه؟
اشلون خذا هالقرار المهم؟
قام من النوم حلمان قال ارشح نفسي
:Pp~

q8 4ever said...

ma agool akther min ele gala elraees elgadem ya sater Allah yester Thank you

ساره النومس said...

ياويلنا الكويت بتروح على ايد الخمة

Yin مدام said...

والله في بعض النواب ودك تقول
إغلق يا ترشيح أبوابك في وجوههم

!!!

Nikon 8 said...

باب الترشيح راح يراوينا نماذج كثيرة ويكشف عن اسباب ما تخطر على بالنا للترشيح
!!!!

الساحر said...

موقف الخرافى افضل بكثير من موقف الكثير من المرشحين الذين تراجعوا عن قرارهم بناء على رغبة الناس مثل فيصل المسلم الذى استطاع ان يقوم بانتاج واخراج مسلسل جديد تحت اسم (فبصل والانتخابات ) هذا المسلسل الحلقة الاولى منه يخرج فيصل المسلم ويعل عدم رغبته فى الترشيح والحلقة الثانية يضغط عليه رفيق دربه وليد الطبطبائى والحلقة الثالثة وهى الاخيرة يرضخ فيصل المسلم للضغوط الشعبية ويوافق على ترشيح نفسه هذا هو المسلسل الفاشل

الصعب said...

لقد فتح الترشيح ابوابه وتقدم الخرافى للترشيح وهو رجل له تاريخه ونحن نلومه ان لم يرشح نفسه ،وتقدم للترشيح الاعضاء السابقين الفاسدين امثال الهايف والسلطان والمسلم ونواب حدس ايضاو تناسوا وقاحتهم الماضيه وتعسفهم وكأن حل المجلس لم يعنيهم ،ان هؤلاء لايهتمون بالبلاد والوطن وانما اهتمامهم بالحصانه والنفوذ والتربح من وراء الكرسى ..

@alhaidar said...

ئي والله وبانتظار المزيد ..

يعطيك العافية ..

Kuwait said...

الله يسامحـك
@@
هذي صووووووره أحد يحطها بأول البوست ؟؟؟؟؟
زين لك على هالصوره شوف فقـع المدونات قام يطلع عندك ;p

السـاحر ..
عفوا الخرافي بشنو فرق عن المسلم ؟؟
نفس الشي كلهم ممثلين واستهبال على أفى من يشيل تعالوا ساحلوني عشان أرشح اخاف بس ميتين عليك احنا ؟؟
ما تبي ترشح قفـى الشمس بخمس :)

الصعـب ..
اخاف بس الخرافي ما يبي النفوذ والا مرشح عشان الديره !
شنو انجازه لو سمحت حط عنه بوست وقولنا تكفـى عن انجازه الصفري :)
الا اذا كل طقـة مطرقه طقها تعتبر انجاز وكـل كلمة الله يستر يصرح فيها بالمناشيت العريض يعتبر انجاز هذا حجي ثاني :)

هاشمـي أدري أمووون عشان جذي رديت عليهم ;p

why me said...

ل انشوف اخرتها



اشورانا


!!

كويــتي لايــعه كبــده said...

الفقع الساحر
On Blogger Since February 2009
Profile Views 11

و
الفقع الصعب
On Blogger Since February 2009
Profile Views 34

ها خوتي ها
جاسم اسمك هز امريكا
جاسم اسمك هز امريكا

يا كويت انتي من تحاكين؟
خلي الحجه لمن يفهمها

enter-q8 said...

و بأنتظار من دخل امن الدولة لقضايا مدنية

Anonymous said...

شكلها مطرت عندك هاشمي

خوش فاقع طالع هني :-P

كويتي شعبي said...

و على غرار كويتي لاسعة كبدة


ها خوتي ها
جاسم اسمك هز امريكا
جاسم اسمك هز امريكا


لووووول

Aurous said...
This comment has been removed by the author.
Aurous said...

مالي خلق افكر بالسياسة ;p
بس مريت اسلم :)

الحارث بن همّام said...

مرشحَين من الدائرة الاولى حصدوا المراكز الاولى في الانتخابات الفائتة :

نعتذر عن خوض الانتخابات لتأزم الوضع السياسي



كانوا من أوائل المسجلين للترشيح يوم الخميس

Hashemy said...

Yang

يبارك فيك لوووووووول

esTeKaNa

على العكس في ناس ماتقدر تنام اصلا واهم مو نواب بالمجلس :)

q8 4ever

ra2ees ek majles a9lan ma 3enda ghair hal kelma ;p

طموحة مملوحة

تروح اذا كل من هب ودب بينزل فرعيه وينجح ومزدوجي جنسيه بصوتون

Hashemy said...

Yin

في بعض النواب ودك الكويت كلها تغلق ابوابها بويه لانه مايستحق يمثلها

Nikon 8

سكر اليوم الثالث فوق ال150 مرشح وانتظار المزيد ,, شكرا لمرورك :)

الساحر

تصدق ان الخرافي سوى فيلم
اول شي سوالنا ليلة ظلماء وبعدين قعد يشير نوعا ما بحركات يتنفهم وراها الحل الغير دستوري وبعدين اختفى عقب الحل الدستوري وظهر مره وحده بديوانه عقب ماخذه الضوء الاخضر بيوم وقال انا نازل

Hashemy said...

الصعب

ياريت تذكرنا انجازاته وتاريخه

اي عدل انا ذكرت يوم انحل غير دستوري كان اول من استقال من الوزاره! عدل ولا غلطان؟

ولااقتراح ولا تقديم قانون سمعت او قريت ان الخرافي قدمه ولا انا ما اسمع بالاساس؟

ناطرين بوست منك حق تاريخ الخرافي

Hashemy said...

Kuwait

تصدقين مادري انها السرايات وصلت لي المدونه ومطرت ونبتت بهالسرعه ;p

كفوووووو خوش ردود عاشت بنات الديره

افا عليج يبا انتي تكتبين وتردين وانا اطقلج بوست بس :)

بعدين احنا مو قلنا بنازل بقائمه وحده بالمستقبل بعد مايبيله ;p

ترى للحين ناطر البوست اللي برعايتي ;ppp

Hashemy said...

أحمد الحيدر

تسلم والله يعافيك يا السمي ;p

تحياتنا لك وموفق انشالله

why me

قاعدين ماورانا شي ;p

ولو ان من اولها باين شنو اخرتها ;p

Hashemy said...

كويــتي لايــعه كبــده

عدل اكشفهم فقع المدونات

ودامنا ذكرنا الهوسااااات

كلنا جنووووووووودك سيدي
كلنا جنووووووووووودك سيدي ;p

Hashemy said...

Enter-Q8

حيالله بو وليد :)

اي والله ومايندرى شنو بانتظارنا اكثر من جذي بعد

Dakhtar Blue

حلالك كله دكتورنا انا ماحبه
مننقصه لك ;p

Kuwait said...

هاشمـي @@
الي أعرف ان الهاشمـي مطعـم أكل بحـري وانا ماحب السمج نهائيا يعني ما راح اكتب بوست عن السمج :\
يعني ماكو بوست برعايتـك ;p

Hashemy said...

كويتي شعبي

هاهاهاهاهاهاها
عاش الزميل والله ملك الهوساااات لووووول


Aurous

ماكو شي بالديره هالايام غير السياسه
الله يسلمج من كل شر وشاكر مرورج :)

الحارث بن همّام

عدل كلامك مو بس بالدائره الاولى وغيرها بعد من الدوائر هذي موضة هالانتخابات الظاهر كل من يدور اللي يترجاه عشان ينزل

شرفنا مرورك يالحارث :)

Hashemy said...

Kuwait

ترى انا بعد ماحب الاكل البحري وهاشمي ماهو مجرد مطعم

هاشمي اكبر بوم كويتي وشوفي هالبوست القديم ووين انحط الهاشمي :)

http://hashemy.blogspot.com/2006/01/made-in-kuwait.html

Kuwait said...

@@
اييييييييييي هذا الي انا قصدته المطعم الي بالسفينـه :D
اول شي انا عبالي الهاشمي على بو العايله او هيك شي بس لما شفت صورة السفينه عرفت ان المقصود هذا المطعم الي بالسفينه :)
نبـي رحلـه حق منـاك بس بدون أكل ;p

Hashemy said...

اي والله يبيييييييييييييله

لا انا قصدي البوم نفسه عجبني ;>

ماتقوليلي انتي شمسهرك للحين

شكلك من ربعنا ربع الليل اللي ماينامون ابدا ;pp

Kuwait said...

@@
لا بس انا نومي قليل 4 ساعات باليوم تكفيني وتزيد :D
ودوام الصبح ماعندي مشكله :)

--------
سوري قلبنا الموضوع قرقه وسوالف
امسح كل الكومنتات الي خارج الموضوع ملوتنا عشان ما يخترب موضوعك وينقلب سوالف مثل ما سوينا بمدونت كظماوي مساعه عقابا له لوووووووول ;p
لما بتمسحهم امسحهم نهائيا عشان ما يصير اكو مكان فاضي وشكله مو حلو يصير :)

Hashemy said...

Kuwait

لا عادي مافي مشكله الكومنتز مفتوح ;p

سواء حق تعليق او استفسار بعدين حتى لو صارت دوانيه حق المدونين يستاهلون مافيها شي :)

ريــــــانــه الـعـــــود said...

خخخخ والله ضحكني العنوان

يبتها :)

يسلموو خيوو