Thursday, April 02, 2009

كلمات اضاعت الكويت


كلمات ضيعت ديرتنا


خوش رياال


هذا ولدنا


والنعم فيه


افا عليك بس


هذا اذا المرشح مرضي عليه ولكن ان كان العكس فالمصيبة اكبر لانه بدل ماننتقده ولو نقد بناء نمدحه على عيوبه وشينه بكلمات ضيعتنا اكثر


ماكو غيره

أهون من غيره

افضل السيئين وهالكلمة دارجه هالايام


والا يقولك اقضب مينونك


وشلنا بالمينون نقضبه؟ مينون احد يقضبه ويتمسك فيه؟ وجان زين بس انه نقضبه نوصله المجلس عشان يمثلنا


للأسف اصبحنا نجامل على حساب وطننا و الوطن لايستحق منا ذلك


شلون نشوف مجلس زين ويحقق الطموحات اذا مانغير تصويتنا ؟


الناس قامت تخاف من المستقبل لي درجة انها تتمسك بالحاضر المر خوفا من مستقبل اشد مراره



ووصلنا الى درجة ان رضينا بالمينون والمينون مارضا فينا!بل عافنا





مزاج نهاية الاسبوع


عطله سعيده

25 comments:

عثماني said...

ما نقول الا الله يحفظ هالديرة

:(

esTeKaNa said...

اي والله
شحقه نقضب المينون
خنهده ونتفائل جود ايينا اعقل منه
!!
الله يحفظ ديرتنا وينور بصيره عيالنا واهلنا ونحسن الاختيار لمن يمثلنا


:)
ويعطيك العافيه على البوست

كويتي شعبي said...

العيب ليس بالمرشحين

فالأنتخابات ينزل فيها مرشحين لي الراس زينين و كفاءة

بس المشكلة عندك بالناخب

كل دائرة فيها مرشحين فوق ال 50 واحد

يعني معقولة كل هذيلة ما فيهم الزين؟؟

صدقني العيب من الناخبين

يعقوبي said...

فعلا نحن فى حاجة الى تغير الكثير من الوجه فى المجلس وهذا التغير يكون من خلال المشاركة الايجابية والفعالة ومن الناس التى لا يجب ان تدخل المجلس مرة اخرى نواب حركة حدس واخصهم بالذكر لانهم هم من يتحمل مسؤولية حل المجلس عن طريق الاستجواب العبثى الذى قدموه

Anonymous said...

إي والله صاااج



واااااي طرت على بالي تمليقه


بقولها مالي شغل


صاااج ولا خبز إيراني

كعكعكع

أحمد الحيدر said...

صدقت والله ..

والله يستر على الكويت ..

المتابع said...

للاسف الناس اصبحت تخاف من المستقبل لذلك اصبحت تتمسك بالحاضر ولاتريد ان تتنظر الغد خوفا منه ،وغير ذلك اصبحنا نجامل بعضنا على حساب مصلحه الوطن ،وايضا العائلات التى تمارس الفرعيات وتختار شخصا الولاء الاول هو للاسره اما الكويت فيما بعد ،معايير اليوم اختلفت عن السابق ،ان تلك المعايير والكلمات ستضيع الكويت ،والله يستر على هذه الديره

Manal said...

مساء الخير
موضوع حلو
وواقع نعيشة بالرغم من وجود عقول كبيرة الجدير بها التفكير في طريقة للخروج من القوقعة التي يردد الناس فيها الكلام المتعارف
والذي لا يفيد ولا يسمن من جوع

الله يهدي الناس الي ما فيه الخير والمصلحة العامة

وادعي ربي ان تنقشع غمامة النبذ والطائفية والمصلحة الشخصية

وبالتوفيق

Kuwait said...

والله يا هاشمـي هالأيام الي قاعده اسمعه 24 ساعه وين ما أروح جملتين ما غيرهم ..
" لاعت جبودنا من المجلس ومحنا مصوتين لأحد "
أو
" ياحلو أسيـل والصوت لها مقطوع "

وانـا أبي أصور الإنتخابات مع ان لاعت جبدي بشكـل مو طبيعي من الوضع الي صاير وودي أهج :\
وأصير سلبيه وأقاطع الانتخابات ;D

why me said...

اي والله صاج

why me said...

ي خوش مزااج



وايد احبها هالاغنيه

:)

lawyer said...

وااااااااااااااي


يخـبرني.. أني تحفتـهُ
وأساوي آلافَ النجمات

و بأنـي كنـزٌ... وبأني
أجملُ ما شاهدَ من لوحات

يروي أشيـاءَ تدوخـني
تنسيني المرقصَ والخطوات

كلماتٍ تقلـبُ تاريخي
تجعلني امرأةً في لحظـات





صج احببببببببببببببب هالاغنيه



شووووووووف هالبوست
http://floristq8.blogspot.com/2007/11/blog-post_03.html

vancouver said...

ثقافة احسن السيء
خلتنا نفقد الامل بوجوووووود الجيد

خلتنا نحس انه بلد فيه مليون كويتي
بس كلللللهم ما فيهم خييير

!

من شوي احنا شعب محبط
??!!

Q8EL5AIR said...

لحد يسمعك يامعود .. ويقول : لي حبتك عيني ماضامك الدهر !!

تهقه المشكلة بكلماتنه ولا فيهم !!



وتحياتي ..
ويسلموااااااااااااااااااااا :)

Enter-Q8 said...

خشمك لو هو عوي
ضيفها

طموحة مملوحة said...

ايييلك الي يرضي قبيلته هذا اووووف ماك مثله واذا طلع عليه خطأ واحد بس يقولون مادري شفيه تغير ماكان جذي لوووول ...

والله احنا نتحمل جزء من الغلط بعد ..

Hashemy said...

عثماني

كلنا نقول جذي معاك

esTeKaNa

انا ادري عنهم شي ينرفز ضعنا وسبة هالحجي بين مينون وخبل

كويتي شعبي

ادري يا صديقي والمشكله الكبرى تصير بالمجامله بالتصويت وهذا اللي مضيعنا

يعقوبي

انا معاك التصويت بحاجة وعي اكبر حتى تكون فيه مشاركه فعاله ماتكون مشاركه مجامله وبس كما اشرت بالبوست

ومن ناحية تغير الوجوه كذلك ايدك ولو اني أأيد اكثر تغيرات بالجانب الحكومي اكثر

بعد حدس تموت بالاكشن شنو بتوقع منهم اكثر من جذي الشرهه على اللي يوصلهم
شكرا شرفتوني

Hashemy said...

Cat LOOOOOOOOOOOL

أحمد الحيدر

الله يسمع منك

المتابع

شكرا على متابعتك يا متابع :)

Manal

بالفعل وانا أيدج واشكرج وشرفتينا :)

صبا

عاد انتي اللي ماصدقج لي تقولين بقاطع الانتخاباااات مادري ليش ;p

بعدين هذي دعايه حق اسيل بس غير مباشره مو؟ ;p

صوتي للي تبينا بس لاتقطعين دام فيه كفاءات بالثالثه

why me شرفتينا وحمدلله انها تعجبج :)

lawyer شرااااايج بس انا كنت واثق انها بتعجبج طول عمرج ذويقه ;>

Hashemy said...

vancouver

عشان جذي المطلوب اليوم ان نوخر عن هالحجي اللي يردنا وره ونفكر بايجابيه وتفائل للمستقبل من حلال تغيير الحاضر للاحسن مانقعد جذي ومشكوره

Q8EL5AIR

المشكله الصجيه بافكارالبعض فينا السلبيه ويأسه اللي تمكن منه ويحاول ينشر لغيره بهذي الكلمات المحبطه

شرفتني بالمدونه

Hashemy said...

Enter-Q8

اخيرااااااااااااااااا شفناك هني

لا المثل الي لازم ينقال الحين اسفرت وانورت واستهلت وامطرت

حيالله بو وليد وارد عبر مدونتي الصغيره نباركلكم عالاكتساح

ولاتغط عنا جذي :)

طموحة مملوحة

لي مشينا ورا هالكلمات اكيد بنغلط ونندم بعدين على خطنا

اي اكيد لانه دش عشان يرضيي قبيلته بالاول وشرفتيني بالمدونه :)

Q8LoVeR said...

ياخي
تبي الصراحه
مرات المينون احسن من غيره
كلامك صحيح
بس ياخي صدقني حتى احسن من غيره صج احسن من غيره

ماراح نحل هالمشكله الا لما نوصل مرحله الواحد عنده استعداد يصوت حق مرشحين حدس ومرشحين ليبراليين
.. بما انه التحالف شبه متفركش
لما نبطل تجريح المرشحين وتشويه السمعه يالله الناس تقدر تختار صاح
نعدل روحنا ونعدل اختياراتنا
ونحترم اختلافاتنا الفكريه بعدين يصير خير

والكويت بخير مرت بأزمات سياسية اكبر من جذي وكاهي شزينها

Kuwait said...

هاشمـي ..
@@
أكو سالفـه معقدتني :\
انت كلا تقولي صبـا وانا عبالي انك تقصد المدونـه صبـا :\
قمت أشـك بنفسـي عشرين مره أجيـك ياربي عدل مكاني انا الي قبلي منال والي بعدي واي مي بس انا كويت مو صبـا :D
أبيـك تفسرلي هالسالفه لان راح جزء من المخيخ الي بمخي وانا أفكر بهالسالفه وعلى فكره أبي تعويض ;p

كويــتي لايــعه كبــده said...

الشعب سُقِيَ اليأس
من فرق تسد
ودعم الفرعيات
ورعاية التيار المتأسلم
وتعزيز كسر القانون
وحماية الفساد
ووو

القدوة سيئة

Hashemy said...

Q8LoVeR

انا معاك لازم نبطل تجريح المرشحين وتشويه السمعه عشان الناس تقدر
تختار صح لكن اذا شفنا واحد منهم غلط لازم هم نحاسبه مانسكت عنه

لكن نسكت على اساس رضينا بمينونا
هني انا مو معاك

نعدل روحنا ونعدل اختياراتنا
ونحترم اختلافاتنا الفكريه بعدين كلام ماعليه غبار بس نختار نحدس! شمعنى حدس؟ وهل اختيار حدس اهو اللي بيحل مشاكلنا؟ برايي ماظن

Hashemy said...

Kuwait

لووووووووووووووووووول توقعتج تلاحظين هالشي وانا عرفته متأخر وقلت انشالله ماتنتبهله هاهاهاها

انا عبالي صبا وكويت مدونه وحده واعتذر لاني خربطت بينكم والنعم فيكم انتو الاثنين وسامحوني على هالخربطه

ولايطير مخيخج سلامته هاهاهاها
وانا حاضر باي تعويض تبينا

بس عاد انشالله مايكون مادي ;p
;pاهداء او رعايه ينفع؟

كويــتي لايــعه كبــده

فعلا مثل ماقلت اهي القدوه السيئه وراء كل هذا وشي مؤسف اللي نشوفه هالايام ان حتى بعض الرجال واللي المفروض يكونون يدافعون عن القانون وقدوه لغيرهم اهم مشتركين في انتخابات جرمها القانون نفسه للاسف