حق المرأه بعد 100 سنه! ويمكن بعد

السعودية: موافقة الرجل شرط لقيادة المرأة السيارة

الرياض - رويترز: اشار ولي العهد السعودي الامير سلطان بن عبد العزيز الى امكانية رفع الحظر الذي تفرضه المملكة على قيادة النساء للسيارات، لكنه أكد ان قيادة المرأة للسيارة مسألة يطلبها الرجال.وقال ولي العهد في تصريحات نقلتها وكالة الانباء السعودية «متى يطلب منا الاباء والازواج والاخوان ان المرأة تسوق ننظر في ذلك..واذا هم يطلبون عكس ذلك نحن ما نجبرهم عليه».وحق المرأة في قيادة السيارات من المطالب الاساسية التي ينادي بها الاصلاحيون في السعوديةويخشى رجال الدين ان تؤدي قيادة النساء للسيارات الى اختلاطهن مع رجال خارج نطاق عائلاتهن.والحظر مفروض في المدن وعلى الطرق الرئيسية، ولكنه غالبا ما ينتهك في المناطق الريفية. التعليق: المرأه نص المجتمع بل هي عمود اي مجتمع يود ان يرتقي ويتطور شلون نطور مجتمع اذا المرأه للحين ماتسوق فيه سياره انا كنت واحد من عشرات الرجال اللي راحوا لي مجلس الامه وشاركوا اخواتهم والمرأه الكويتيه ماخذت هالحق عشان الضغوطات المستجده في العالم اليوم عن طريق تشكيل المنظمات والدعاوي الى حقوق الانسان والحريات والمساواة لا بل هذي بادره اميريه كريمه تعود حتى من قبل هالالفيه ولوماكانت المرأه الكويتيه تستحق هذا الحق من خلال دورها البارز في كل المجتمع ماخذته لكن للاسف ان نشوف من اكبر دوله خليجيه واقربها لنا مدى الاستخفاف بحق هالمرأه ويقولون نبي راي رجال الدين الاسلام اعطى المرأه كافة حقوقها المدنيه من 1400 سنه واكثر وماظن ان رجال الدين بكونون افهم من رسول الله الذي لاينطق عن الهوى وماظن ان القياده لتسهيل امور المراه سواء بالبيت او حتى مستلزماتها الخارجيه من دوام وقضاء مشاوير ماهز حق مدني لها ويقولون نبي وقت اذا المرأه ماتسوق للحين عيل فكرة انها تدخل المجلس التشريعي هذا اذا صار مجلس تشريعي يبيلها شكثر 100 سنه بعد؟ انا اقول ليش ماتجربونها على جمل او حصان او حنطوور واذا اوكي شوفو ولي امرها يوافق او لأ وشوفو رجال الدين هل بهالطريقه بعد ينخاف من وقوعها في مأزق شرعي

رجال الدين ماشافوا الظاهر بجده البنات شقاعد يسوون من سيايير ولبس وحفلات بس الظاهر التحريم على ناس وناس ابووي مايقدر الا على امي!